O porco de pé

O porco de pé

Sábado, 02 Xullo 2022 22:30
Auditorio Municipal de Cangas
  • Compañía: Producións Teatrais Excéntricas
  • Procedencia: Galicia
  • Dirección: Quico Cadaval
  • Autoría: Quico Cadaval e Pepe Sendón sobre a novela de Vicente Risco
  • Destinado a: Público Adulto
  • Presentación: 2022
  • Duración: 80'

A Compañía

Excéntricas é un proxecto teatral que se desliza comodísimo polos vieiros da comedia, e en xeral polo uso do humor como instrumento óptico para ollar o mundo e os seres humanos. Excéntricas ten tres formatos de espectáculos: os que protagoniza o dúo Mofa & Befa, con obras de elaboración propia e métodos artesanais; os espectáculos unipersoais de Quico Cadaval, e outra liña, na que se parte de textos de autores contemporáneos como Shakespeare, McDonagh, Topor ou Valle-Inclán, que teñen en común o uso do humor como ferramenta crítica e dos coñecementos como materia para a burla e para o riso. Algúns dos seus éxitos son «Shakespeare para Ignorantes», «Un Cranio Furado» ou «A Cabeza do Dragón». En 2022 chegan “O Porco de pé” de Vicente Risco (marzo) e "Pirolíticos", un espectáculo totalmente novo de Mofa & Befa co que celebrarán o seu 30º aniversario (outubro).

Sinopse

O Porco, o animal totémico dos cocidos e dos entroidos, toma os teatros para demostrar a sua superioridade sobre os seres humanos. O que presenta Excéntricas é un teatro de barracón, aquel que, na infancia, nos fascinaba e nos asustaba a partes iguais. Un farol mortizo, un chan de serrín, unha cortina vermella e, de súpeto, aparece o porco en elegante pose de equilibrista a sosterse sobre os pés, a finxirse un ser humano con tanta graza, que resulta imposible distinguilo.

Vai para cen anos, Vicente Risco detectou unha nutrida presenza porcina vestida con elegantes abrigos e chapéus a confundirse cos propios burgueses. Descobreu que estaban entre NÓS! A divertidísima sátira do ourensán, a medio camiño entre o circo, o barracón, os fantoches e o cabarete, ten hoxe mais vixencia que nunca. Nesta viaxe á fascinante década do 20 do século XX, pasarán, como nunha linterna máxica, anarquistas, capitalistas, agraristas, proxenetistas, golpistas, vangardistas, caciquistas, cupletistas, mentalistas, futuristas, e budistas.

Producións Teatrais Excéntricas inventa, para reinventar este retrato de NÓS, un teatro de fenómenos cheo de monstros de barracón. Unha sucesión de grotescos personaxes, caricaturescos como marionetas, representan dende os principios da farsa popular, a aguda visión do míope Risco. Unha historia de corrupción política e de amor, pasada polos espellos deformantes do parque de atracción.

Ficha artística

ELENCO

  • Patricia Vázquez
  • Victor Mosqueira
  • Evaristo Calvo

ESCENOGRAFÍA E INDUMENTARIA

  • Carlos Alonso

ILUMINACIÓN

  • Octavio Mas

ESPAZO SONORO

  • Piti Sanz

CACHUCHA E FANTOCHE

  • Kukas

MAQUINARIA

  • Pepe Quintela

TÉCNICO EN XIRA

  • Javier Gey

DESIGN

  • Javier de la Rosa-Milicia Gráfica

VIDEO

  • Natasha Lelenco

FOTOGRAFÍA

  • Sabela Eiriz

UNIDADE DIDÁCTICA

  • Fundación Vicente Risco

PRODUCIÓN

  • Rubén G. Pedrero

AUTORÍA

  • Vicente Risco

VERSIÓN E DRAMATURXIA

  • Pepe Sendón

DIRECCIÓN E DRAMATURXIA

  • Quico Cadaval

O PORCO DE PÉ conta co apoio da Xunta de Galicia e Agadic grazas á Subvención a Creación Escénica 2021.

Contacta coa MITCFC

Auditorio Municipal de Cangas
Avenida de Lugo, 36940 Cangas, Pontevedra

Tel.: +34 986 30 41 08
Descargar información como: vCard

Este enderezo de correo está a ser protexido dos robots de correo lixo. Precisa activar o JavaScript para velo.
© MITCFC. Todos os dereitos reservados.
Deseño: Diego Seixo.