PEIXIFICADXS, conversas con policarbonautas

PEIXIFICADXS, conversas con policarbonautas

Xoves, 30 Xuño 2022 16:30 | Xoves, 07 Xullo 2022 16:30
Capela do Hospital
  • Procedencia: Galicia
  • Imparte: Susana Rey
  • Tipo: Obradoiro
  • Destinado a: Socias de ADICAM

E se espertásemos un día e as Cíes fosen tres illas de plástico no medio da ría… 

Dende este horizonte anímico, distópico e improbábel, mais non imposíbel (nos océanos flotan xa cinco xigantescas illas de lixo…), dialogaremos con tódolos seres que “navegan” entre plásticos para tentar reciclar, vía imaxe e palabra, unha realidade en situación de emerxencia.

PEIXIFICADXS, conversas con policarbonautas, propón pararse un intre fronte ó mar e compartir, rir, imaxinar, trocar miradas... e transformar o que temos diante dos ollos: fotografía, vídeo e poesía de usar e non tirar para tentar albiscar un futuro mais azul e escintilante...

…Certo que virar o temón das cousas non é doado, pero como dicía o poeta: Navegar é preciso…  

SUSANA REY. Doutora en arte. Guionista e realizadora premiada en Brasil, Xapón, Cataluña, México, Galicia. O seu traballo exhibiuse en numerosos festivais (Alemaña, Bélxica, Turquía, Arxentina, Kenia, Cuba, Rusia, etc.), foros (Instituto Cervantes de Berlín e Lisboa, The Graduate Center da Universidade de Nova York, diversas “Fnac”, TV Barcelona, TVG), e recolleuno prensa especializada (Cahiers du Cinema, Variety, etc.). 

Becada pola EICTV da Habana e pola Xunta de Galicia. Colaboracións en cine (arte) “Los lunes al sol” de F.L. de Aranoa; “A los que aman” de Isabel Coixet; “Cuando vuelvas a mi lado” de Gracia Querejeta. 

Proxectos seleccionados en diversos eidos: artístico-educativo (CMCV, València), escultura pública (Plan Leader CEE, Consorcio Zona Franca, Vigo), Cultural (Cultsurfing, Barcelona). 

Publicacións: Investigación artística (UPV), colaboracións en prensa (A peneira, Sermos),  libro-disco (Paideia).

Impartiu Arte e Tecnoloxía (IEL, Lisboa), Deseño de Interiores (Escuela Superior de Diseño, Orihuela, talleres e “Master Class” (UPV de València, Universidade de Santiago e de Vigo, CGAI, Fund. Carlos Casares, Fund. Caixa Nova, Escola Gavina, Universitat Popular, València, Centre Octubre de Cultura Contemporánea, València, etc.).

Contacta coa MITCFC

Auditorio Municipal de Cangas
Avenida de Lugo, 36940 Cangas, Pontevedra

Tel.: +34 986 30 41 08
Descargar información como: vCard

Este enderezo de correo está a ser protexido dos robots de correo lixo. Precisa activar o JavaScript para velo.
© MITCFC. Todos os dereitos reservados.
Deseño: Diego Seixo.