Política sentimental. O encontro necesario entre María Casares e Albert Camús

Sinopse

Na ocupación nazi, en Francia, prodúcese o encontro de dúas grandes personalidades do panorama cultural e artístico do momento: o premio Nobel, Albert Camus, un dos máis notables representantes do existencialismo francés, e María Casares, a actriz galega máis universal e filla de Santiago Casares Quiroga, último Xefe do Goberno da República.

A posta en escena de “Le Malentendu” no ano 1942,  marca o inicio desta peza e, tamén, da prolífica e intensa relación persoal, artística e profesional entre María Casares e Albert Camus e que durará ata o pasamento do autor, en 1960. 

“Política Sentimental” é un diálogo testemuñal e poético no que se debullan vivencias e acontecementos: teatro, guerra, amor, literatura, exilio, República, poesía, filosofía, galeguidade, liberdade, existencialismo, vida…