Entrega en man: Unha comedia denegrida
- Compañía: Contraproducións en coprodución coa MITCFC
- Procedencia: Galicia
- Dirección: Cándido Pazó
- Autoría: Martin McDonagh
- Destinado a: Público adulto
- Estrea: Estrea absoluta
- Presentación: 2023
- Duración: 80'
A Compañía
Contraproducións é unha empresa galega dedicada á creación e distribución de espectáculos escénicos, conducida por Cándido Pazó, autor e director teatral, e Belén Pichel, xefa de produción. Cunha vocación teatral de signo aberto, intención crítica e relación fresca e directa cun público de amplo espectro, é a plataforma que acolle a maior parte das creacións escénicas de Cándido Pazó no campo do teatro e a narración oral, aínda que dando cabida tamén a outras figuras da dirección escénica ou a escritura teatral, así como a coproducións ou colaboracións con outras estruturas.
Sinopse
Un cuarto ruín nun hotel cutre dunha anónima vila americana. Un tipo estraño ofrece unha recompensa por recuperar a man que, nun acto cruel e humillante, lle cortaron hai 27 anos e que, desde entón, busca teimosamente. Un rapaz negro e a súa moza branca quéreno enganar ofrecéndolle unha man que, loxicamente, non é a súa. O peculiar recepcionista do hotel entremétese en tan insólita transacción e... Desátase unha comedia louca e denegrida na que, da man dun humor mordaz e corrosivo, zumegan temas como o racismo, o machismo ou a xenofobia.
Ficha artística
- Evaristo Calvo como Carmichael
- Santi Romay como Marvyn
- María Roja como Marilyn
- Ígor Regall como Toby
- Escenografía e atrezzo: Pablo Giráldez “O Pastor”
- Vestiario: Belén Pichel
- Iluminación: Afonso Castro
- Música: Guillerme Fernández
- Autor: Martin McDonagh
- Versión galega: Cándido Pazó
- Dirección de produción: Belén Pichel
- Dirección de escena: Cándido Pazó
Contacta coa MITCFC
Auditorio Municipal de Cangas
Avenida de Lugo, 36940 Cangas, Pontevedra
Tel.: +34 986 30 41 08
https://www.mostrateatrocangas.gal
Descargar información como: vCard
Deseño: Diego Seixo.