Eurovisión (O Fake Show)

A Compañía

A Cía Bucanero é creada polos actores Xosé Bonome e Pedro Picos no ano 2001 e estréase coa montaxe "Jánsel e Ponsel", de José Luís Prieto. Producen 12 espectáculos ó longo destes anos e xiran por múltiples teatros, espazos escénicos e festiváis tanto dentro como fóra de Galicia. Cabe destacar os espectáculos: "Por un Millón de Dólares" ou "Os Amos do Mundo", ambos dirixidos por Lino Braxe. No seu percorrido teatral tamén foron dirixidos por Santi Prego, Xavier Deive e na actualidade por Rebeca Montero. Manarte Producciones fúndase no ano 2015 pola actriz Sabela Hermida en colaboración coa Cía Teatro Proscrito, de Lino Braxe, inaugurándose cun texto escrito e dirixido polo autor, "Manar. A Derradeira Caravana". A partir deste momento levan a cabo varias montaxes teatráis e tamén realizan lecturas dramatizadas coa Fundación Luís Seoane. Coproduce coa Cía Bucanero os seus tres últimos espectáculos e é entidade organizadora habitual de actividades culturáis, artísticas e de formación destinadas a público escolar. Dende 2016 colabora co Festival Audiovisual Escolar Olloboi, co que coproduce o documental "Cadernas de Olloboi", dentro das actividades dos Fondos Xacobeo 2021.