A FEGATEA somos persoas e grupos de teatro que estamos a facer posible un fermoso soño, grazas ao traballo incansable de moita xente durante máis de vinte anos!
Este ano, a MITCFC acompañaranos na visibilización dos dez anos do proxecto PLATTA (Plataforma Transfronteiriza de Teatro Amador), unha idea que naceu ao tempo que a propia FEGATEA. Desde o principio xa tiñamos a idea, a ilusión de acadar un Convenio, Plataforma…, non sabiamos moi ben o que! O que tiñamos claro era quen nos gustaría que fosen os nosos compañeiros de viaxe, as rexións limítrofes con Galicia: Norte de Portugal, con Teatro do Noroeste-Centro Dramático de Viana-TEIA (Teatro en Iniciativa Associativa), e a Federación de Grupos Aficionados de Castilla y León (FETACyL), que xunto coa erregueté/Revista Galega de Treatro, forman as catro patas deste proxecto.
Clausuraremos esta exposición, coa posta en escena de 3 espectáculos de microteatro.