Demo

As novas da Mostra

Toda a actualidade da MITCFC, para que non te perdas ningunha información sobre os nosos espectáculos, eventos e demais actividades.

LAS PRINCESAS DEL PACÍFICO: "É moi difícil vivir dignamente do teatro"

José Troncoso dirixe a obra ‘Las princesas del Pacífico’, a historia dunha tía e unha sobriña que levan tanto tempo xuntas que acabaron por converterse nun mostro de dúas cabezas. Alicia Rodríguez e Belén Ponce de León interpretan a dúas mulleres feas, grotescas, diferentes… Dúas persoas afastadas da sociedade que viven pechadas nun búnker de crochet para protexerse das nosas olladas. Pero elas tamén, desde alí, ollan para nós e rin das nosas desgrazas para sentirse acompañadas.

CRÍTICA TEATRAL: 'Las Cervantas'-Camilo Franco

AGORA COMO ENTÓN

Cervantes debería ser galego. De Cervantes, primeiro. Con ese apelido Saavedra e co patrocinio do Conde de Lemos. Con moitos oficios na súa biografía, de soldado a recadador de impostos, coa última opción da literatura e con esa inclinación á ironía imposible de disimular. Tan galego que foi claramente un emigrante. Para completar o cadro só nos falta que no Quijote os galegos aparecen pouco e non para ben de todo. Toda as de Cervantes  son conductas propias do galego, das que se manteñen no tempo.

Maxia cómica da man da pallasa Mandarina

Un espectáculo de maxia cómica para todos os públicos que fixo as delicias de nenos e maiores na Praza do Costal de Cangas. Laura Muñoz, ou a pallasa Mandarina, a pallasa Mandarina recibe clases do seu avó, o grande ilusionista e prestidixitador Casimiro Chipirón. Na sala de ensaios está todo preparado, só falta que chegue el. Mentres agarda, a curiosa Mandarina aproveita para atusmar nos obxectos máxicos do avó e facerlles maxia aos pequenos voluntarios do público.

"Estamos a constru\u00edr unha Europa cultural \u00e1 marxe da pol\u00edtica"

'Teatro e Sociedade: Un compromiso coa cidadanía' foi unha charla que tivo como principal cometido reivindicar o papel de compromiso coa sociedade do teatro, que non debe ser entendido como un simple adorno cultural ou un pasatempo. Mónica Caamaño moderou a charla, na que participaron Rosa B. Villar, de Teatro Del Barrio; Xesús Ron, do grupo Chévere; Fernando Dacosta, de Sarabela Teatro; Sonia Rúa, de Teatro de Ningures; Baltasar Patiño, de Matarile Teatro; e Andrés Valverde, de 'La Fontaine Aux Images’. Cada un deles explicou a traxectoria das súas compañías e a necesidade de que o teatro adquira un sentido e utilidade máis aló do mero entretemento.

'El Rey', lección de teatro, historia e humor

Cun cheo ata a bandeira. Así foron recibidos os actores da obra 'El Rey' no Auditorio de Cangas. Luís Bermejo, Guillermo Toledo e Javier Gutiérrez deron unha lección de historia contemporánea, de humor e de interpretación. E o público soubo agredecerllo regalándolles unha pechada ovación de varios minutos e o a xente en pé. Grazas a Teatro del Barrio por demostrarnos que tamén se poden contar cousas serias arrincándonos grandes gargalladas.