A nova realidade

O Teatro, viviu e vive en permanente crise que se vai repetindo ciclicamente: crise económica, crise creativa, crise de identidade… Pero foi precisamente desas crises cíclicas de onde sacou a enerxía para resistir, para transformarse, para evolucionar e avanzar ao longo da Historia.

Que dúbida cabe de que o Teatro é unha das manifestacións culturais que máis sofre e vai sufrir as consecuencias negativas desta crise actual que vai máis aló do sanitario e tamén do económico.

A esencia do Teatro, esa “proximidade” e contacto, mesmo que non sexa necesariamente físico, entre o público e os intérpretes viuse e vaise ver seriamente prexudicada polo clima de desconfianza xerado ao redor da pandemia do covid 19. Será preciso, por enésima vez, reinventarse?

De todo isto, de saídas para afrontar a crise económica e de propostas creativas cara ao presente e o futuro, imos falar nestas dúas mesas que a MITCF de Cangas programa  nesta súa e atípica XXXVII Edición.

1.- Presente e futuro dunha profesión en permanente crise

• Ánxeles Cuña Bóveda, pedagoga, dramaturga, directora teatral e deputada no Parlamento de Galicia.
• Luma Gómez, actriz e directora.
• Belén Pichel, produtora.
• Pedro Fresneda, dramaturgo e codirector do Teatro Ensalle.
• Fran Núñez, director do CDG.
• Modera: Manuel Xestoso, crítico e escritor.

2.- Tempo de transformación?

• Marián Bañobre, actriz, directora.
• Eduardo R Cunha “Tatán”, titiriteiro, actor.
• Rut Balbís, creadora, intérprete e docente en artes do movemento
• Cándido Pazó, dramaturgo, director e actor.
• Rocío González, actriz.
• Modera: Cristina Domínguez, directora, profesora de voz.