![](/index.php/component/ajax/?p=image&src=WyJpbWFnZXNcL3N0b3JpZXNcLzM1XC9hbmEtcm9tYW4uanBnIixbWyJkb1Jlc2l6ZSIsWzc3Myw0MzIsNzczLDQzMl1dLFsiZG9Dcm9wIixbNzY4LDQzMiwyLDBdXV1d&hash=ccdb2ceaedcd88c95464a8d175f6f042 768w, /templates/yootheme/cache/ana-roman-5188eaa8.jpeg 1024w, /index.php/component/ajax/?p=image&src=WyJpbWFnZXNcL3N0b3JpZXNcLzM1XC9hbmEtcm9tYW4uanBnIixbWyJkb1Jlc2l6ZSIsWzEyODgsNzIwLDEyODgsNzIwXV0sWyJkb0Nyb3AiLFsxMjgwLDcyMCw0LDBdXV1d&hash=afa8fe978d81f4f7bde02e4747915774 1280w, /index.php/component/ajax/?p=image&src=WyJpbWFnZXNcL3N0b3JpZXNcLzM1XC9hbmEtcm9tYW4uanBnIixbWyJkb1Jlc2l6ZSIsWzEzNzQsNzY4LDEzNzQsNzY4XV0sWyJkb0Nyb3AiLFsxMzY2LDc2OCw0LDBdXV1d&hash=cb0ea55016a8907414438b7c66872da9 1366w, /index.php/component/ajax/?p=image&src=WyJpbWFnZXNcL3N0b3JpZXNcLzM1XC9hbmEtcm9tYW4uanBnIixbWyJkb1Jlc2l6ZSIsWzE0NDAsODA1LDE0NDAsODA1XV0sWyJkb0Nyb3AiLFsxNDMxLDgwNSw0LDBdXV1d&hash=213afa4b7c6579869af42c52c76829ff 1431w)
Queremos 'Diario Cutural'
A Mostra Internacional de Teatro Cómico e Festivo de Cangas quere expresar o seu malestar ante a noticia da desaparación da programación da Radio Galega do espazo DIARIO CULTURAL, excelentemente dirixido pola xornalista, poeta e académica, Ana Romaní. A nova deixanos en estado de perplexidade e confusión.
Preguntámonos como é posible que un programa cultural de referencia, cun número importante de oíntes, unha marca recoñecida da propia radio pública galega, con prestixio recoñecido, deixe de ter interese para o propio ente. É coma se a Coca Cola deixara de ser fabricada e diluíran o seu contido nunha nova bebida. Incomprensible desde o punto de vista comercial. Incomprensible desde o punto de vista cultural e incomprensible desde o punto de vista social.
Con todo o respecto, desexamos e solicitamos ás persoas que tiveron e aprobaron esta idea que recapaciten. Que entendan que eliminar o DIARIO CULTURAL é, ademais de anticomercial, un erro moi difícil de xustificar tanto diante das persoas consumidoras de cultura como das que a producen.
Concordamos absolutamente e aplaudimos a decisión de ampliar en 50 minutos a programación cultural, pero non a costa de diluír un programa de éxito e un referente. A MITCFC está convencida de que se poden ampliar eses 50 minutos de mil maneiras diferentes sen que sexa en detrimento do DIARIO CULTURAL, unha marca de referencia cultural e excelencia profesional da radio pública galega.
Non nos autoboicoteemos, por favor. Copiémoslle ben ao pobo americano e espallemos a nosa cultura. Non a restrinxamos.