Aprendendo a crear con Ibuprofeno Teatro

Santiago Cortegoso e Marián Bañobre, de Ibuprofeno Teatro, imparten desde o luns ata o venres 6 de xullo o Obradoiro de Creación Escénica. A actividade que se desenvolve nas Naves de Ojea, pretende mostrar e reproducir a pequena escala o método de creación que a compañía de teatro foi investigando e desenvolvendo ao longo dos anos. Mediante o xogo e as improvisacións individuais e colectivas, Marían Bañobre e Santiago Cortegoso xeran unha obra propia, non tanto para acadar un resultado óptimo, senón co obxectivo de experimentar o goce e a vertixe de xerar contido escénico a partir do material emotivo e imaxinativo que cada un/ha pode aportar.

Durante catro horas, un total de 15 persoas aprenden e gozan facendo arte en Cangas.