Nela estaba a forza do mar

Ana Abad de Larriva é unha artista multidisciplinar (actriz/performer, cantautora e dramaturga) que emprega diferentes linguaxes para confeccionar pezas artesás concibidas como poemas escénicos, nos que a música, o movemento, a palabra e a imaxe converxen en puntadas que combinan a beleza e a crueza para abordar aquilo que a conmove, especialmente en relación coa natureza e o universo feminino. É titulada superior en Arte Dramática, na especialidade de Interpretación Textual, pola ESAD de Galicia; e doutora en Comunicación pola UVigo, cunha tese sobre a construción das bases da presenza a partir do adestramento actoral; e ten formación en canto, piano e danza. Como dramaturga gañou o Premio Abrente, a bolsa de dramaturxia do CDG, o Certame de Microteatro da Memoria e o Premio Roberto Vidal Bolaño, e as súas creacións escénicas resultaron finalistas de certames como o Metro Cadrado do FIOT ou o 67 Graos Ourense Fervescénica do FITO.