'Revoltallo', danza e teatro de artistas e colectivos culturais de Cangas
O luns 3 de xullo, os grandes protagonistas foron artistas e colectivos culturais de Cangas. Durante a tarde, alumnas da Escola de Danza Inés Núñez representaron nos Xardíns do Señal o espectáculo 'Ïmonos de cruceiro!!!'. Despois, no mesmo lugar, a Escola de Danza Oriental Margarita Outeiral deleitou ao público coas súas 'Danzas Orientais'.
Seguindo coa programación do Revoltallo, o colectivo 'Luzazul' representou o seu proxecto 'Alicia', inspirado na obra 'Alicia no país das marabillas'. A representación tivo unha primeira parte na Praza da Constitución e outra na Sala de Exposicións do Auditorio Municipal.
