![](/index.php/component/ajax/?p=image&src=WyJpbWFnZXNcL0F2YXJvLTYwODAuanBnIixbWyJkb1Jlc2l6ZSIsWzc2OCw1MTIsNzY4LDUxMl1dLFsiZG9Dcm9wIixbNzY4LDQzMiwwLDQwXV1dXQ%3D%3D&hash=c93a66682275c9cb981c36db0e2893ea 768w, /templates/yootheme/cache/Avaro-6080-9948c084.jpeg 1024w, /index.php/component/ajax/?p=image&src=WyJpbWFnZXNcL0F2YXJvLTYwODAuanBnIixbWyJkb1Jlc2l6ZSIsWzEyODAsODUzLDEyODAsODUzXV0sWyJkb0Nyb3AiLFsxMjgwLDcyMCwwLDY2XV1dXQ%3D%3D&hash=a223aff7bfaa8a1b43787ea01e792cf6 1280w, /index.php/component/ajax/?p=image&src=WyJpbWFnZXNcL0F2YXJvLTYwODAuanBnIixbWyJkb1Jlc2l6ZSIsWzEzNjUsOTEwLDEzNjUsOTEwXV0sWyJkb0Nyb3AiLFsxMzY2LDc2OCwwLDcxXV1dXQ%3D%3D&hash=0b09cd8ce2b82fcddc8bcf3ca7fbffa9 1366w, /index.php/component/ajax/?p=image&src=WyJpbWFnZXNcL0F2YXJvLTYwODAuanBnIixbWyJkb1Jlc2l6ZSIsWzE1OTksMTA2NiwxNTk5LDEwNjZdXSxbImRvQ3JvcCIsWzE2MDAsOTAwLDAsODNdXV1d&hash=db701cd5a2205bc1d4aa15f764c96bcc 1600w, /index.php/component/ajax/?p=image&src=WyJpbWFnZXNcL0F2YXJvLTYwODAuanBnIixbWyJkb1Jlc2l6ZSIsWzE5MjAsMTI4MCwxOTIwLDEyODBdXSxbImRvQ3JvcCIsWzE5MjAsMTA4MCwwLDEwMF1dXV0%3D&hash=0667ba5b39feb34ba446d377d15abef6 1920w, /index.php/component/ajax/?p=image&src=WyJpbWFnZXNcL0F2YXJvLTYwODAuanBnIixbWyJkb1Jlc2l6ZSIsWzIwNDgsMTM2NSwyMDQ4LDEzNjVdXSxbImRvQ3JvcCIsWzIwNDgsMTE1MiwwLDEwNl1dXV0%3D&hash=4ec178028cb6623928a17db54706b781 2048w)
'El Avaro' de Moliére, Premio do Público da 40 Mostra
A compañía andaluza Atalaya Teatro celebra o seu 40 aniversario da mellor das maneiras posibles en Cangas, recibindo o Premio do Público desta tamén 40 edición da Mostra. Este recoñecemento é froito das votacións anónimas que os espectadores e espectadoras poden emitir ao final de cada obra no Auditorio. Ao finalzar o espectáculo, o público ten á súa disposición uns papeis co nome da obra dese día cunha puntuación do 1 ao 5 para que fagan a súa valoración. Despois de puntuar, só teñen que introducir o papel nunha urna, que permaneceu pechada até a finalización de todos os espectáculos representados no Auditorio, o sábado 8 de xullo.
'El Avaro' recibiu unha valoración de 4,94 puntos sobre 5. A segunda e terceira obra máis votadas polo público foron, respectivamente, 'In petto' (Okidok), cunha valoración de 4,85 puntos; e 'Los Días Ajenos de Bob Pop' (El Terrat), con 4,79 puntos.
'El Avaro' é unha das obras mestras de Molière e un dos seus últimos textos. A obra amosa o lado máis mesquiño e egoísta do ser humano, onde se leva alo extremo os problemas xerados polo diñeiro e o poder, o que resulta, lamentablemente, de notable actualidade. Ao tempo percíbese o maltrato que Harpagón propina aos seus empregados e o seu exacerbado sexismo. Con oito actores e actrices en escena, o espectáculo enmárcase nos grandes proxectos da compañía, e máis en concreto, entre os que se presentan en clave de musical.
Carmen Gallardo, Silvia Garzón, Selu Fernández, María Sanz, Enmanuel García, Garazi Aldasoro, Raúl Vera e Lidia Mauduit conforman o elenco de actores e actrices da obra, dirixida e adaptada por Ricardo Iniesta.