Fóra de programa

A seguir co traballo realizado na XL edición da MITCFC, Fóra de programa continúa co desenvolvemento da crónica anárquica da Mostra na que se combinan o protagonismo das espectadoras, as imaxes da vila de Cangas, o teatro e a profunda convicción de que na Galaxia estamos acompañadas e que, probablemente, os seres sabios de alén das estrelas estean sobre as táboas desta XLI edición. Desde Cangas ate máis alá das Portas de Tanhausser, Anna Figueiredo reseña e artella o que a cámara e a sinapse emocional percibe desde o celme da escena.

Anna R. Figueiredo

Escritora, espectadora a tempo parcial e profesora de matemáticas a tempo indefinido. Colaboradora na revista de debate e pensamento Tempos Novos en coordinación co deseñador gráfico e artista plástico Diego Seixo, que algunha imaxe deitará tamén neste obxecto dixital para as mentes curiosas e as teatreiras valentes.