-
La Loquace Cie
-
Francia
-
Público Adulto, Público Familiar
-
2023
-
75'
La Loquace Compagnie é unha compañía franco-española fundada en 2021 por Lisa Peyron e Daniel Olmos. Ambos iniciáronse no teatro de obxectos xunto a Katy Deville, cofundadora do Théâtre de Cuisine e figura pioneira desta linguaxe escénica. Deste encontro nace VIVA!, a primeira creación da compañía.
Desde os seus inicios, o proxecto forma parte do programa de apoio do Théâtre de Cuisine, co acompañamento artístico de Katy Deville e, posteriormente, de Clément Montagnier. A compañía investiga a potencia simbólica e metafórica dos obxectos cotiáns, transformándoos en ferramentas narrativas capaces de abordar historias complexas de xeito sinxelo e cunha distancia que permite a reflexión.
Paralelamente á creación escénica, La Loquace Compagnie desenvolve accións culturais no territorio local, integrándose no tecido rural. Ten a súa sede en Ercé, no Parque Natural Rexional dos Pireneos Ariégeoises, desde onde impulsa unha actividade artística transfronteiriza.
"Hai case 50 anos, nunha pequena aldea de Castela, Pepe, o meu avó, matou a María, a miña avoa. Entereime moitos anos despois, case por casualidade". VIVA! é a historia dun feminicidio cometido en plena ditadura franquista. A historia dun tabú social e familiar. No escenario, un escritorio. No escritorio, obxectos que se dispoñen a reconstruír a historia. Sen esquecer nunca o poder salvador do humor, VIVA! cuestiona a responsabilidade colectiva implícita nos actos individuais, a capacidade dunha sociedade de repararse e transformarse.
Autoría e dirección: Lisa Peyron e Daniel Olmos
Interpretación: Lisa Peyron e Daniel Olmos
Produción: La Loquace Cie
Acompañamento á creación: Kate Deville – Théâtre de la Cuisine
Deseño de son: Mathias Guilbaud
Deseño de iluminación: Julie Darramon
Distribución: Ana Sala (IKEBANAH ARTES ESCÉNICAS)
