O mércores 15 de xullo, celebrouse o II Encontro de Teatro e Educación , unha iniciativa da Mostra de Teatro Cómico –Festivo de Cangas que aposta por promover un diálogo entre axentes pedagóxicos e teatrais co fin de facer unha posta en común ao redor da realidade e práctica da expresión dramática. Este ano o diálogo estivo centrado na Educación Infantil e na Educación Primaria, contando coa participación de mestres e mestras de ambas etapas.
A Mostra Internacional de Teatro Cómico e Festivo de Cangas (MITCFC) reuníu a profesionais de diferentes ámbitos relacionados coas artes escénicas para falar sobre a ‘Nova realidade’ que vivimos pola crise da Covid-19. Foron dúas mesas de debate onde abordar de fronte a problemática do sector e atopar unha saída a unha crise que se suma a outras anteriores e das que, con moito esforzo, o teatro conseguíu saír, reforzado transformándose, evolucionando e avanzando.
A Sala de exposicións do Auditorio de Cangas acolleu a cuarta edición do Torneo de Dramaturxia de Galicia, unha actividade que se consolida como unha aposta firme da Mostra Internacional de Teatro Cómico e Festivo de Cangas para dar a coñecer a nosa dramaturxia, creando un nexo directo entre autoras/es e público. Este ano, ademais, este combate conta co apoio e a colaboración do Centro Dramático Galego (CDG).
O texto gañador titúlase “Jessi and Johnny”, do dramaturgo ROBERTO SALGUEIRO. As actrices María Costas e Lara Álvarez foron as encargados de poñerlle voz ao escrito. Os outros textos que participaron no torneo desta XXXVII Mostra son “Gourmet”, de FERNANDO CASTRO PAREDES, coa dramatización de Sonia Rúa e Mundo Villalustre; “Wija”, de MARÍA LADO, interpretado por Daniela Rodas e Teté García; e “Tínder”, da dramaturga MARTA PÉREZ, coa interpretación dos actores Xurxo Cortázar e Arantxa Treus.
“Boas noites, veciñas e veciños de Cangas! Sexades de toda a vida, de hai uns anos, de paso, ou só dunhas horas, as horas de asistir a un acto escénico. Veciños e veciñas ao fin e ao cabo. Permitídeme que así vos trate. Douvos a benvida a esta 37 edición da Mostra Internacional de Teatro Cómico e Festivo na que se respira a emoción. Emoción por vernos, por atoparnos, por sentirnos un chisco máis libres ao ver como as ficcións cobran corpo e vida diante dos nosos ollos, no momento único e irrepetible da experiencia teatral. Podemos vivir sen teatro, sen sentido do humor, pero vivimos mal, vivimos peor, e por iso estamos aquí, para que esta Mostra nos devolva o brillo nos ollos.
As profesionais das artes escénicas e audiovisuais de Galicia, reunidas esta fin de semana no marco das XX Xornadas Mulleres en Acción-MITCFC, pedirán unha reunión coa presidencia do futuro Goberno da Xunta de Galicia para propoñer unha batería de medidas que contribúan a mellorar a actual e discriminatoria situación laboral que viven as mulleres de ambos sectores, hoxe agravada pola pandemia, que xa actuou dramáticamente na situación sociolaboral das mulleres, provocando un retroceso global dos seus dereitos, o que multiplica a urxencia de tomar medidas que poñan freo a esta realidade.
