Demo

As novas da Mostra

Toda a actualidade da MITCFC, para que non te perdas ningunha información sobre os nosos espectáculos, eventos e demais actividades.

'El Rey', lección de teatro, historia e humor

Cun cheo ata a bandeira. Así foron recibidos os actores da obra 'El Rey' no Auditorio de Cangas. Luís Bermejo, Guillermo Toledo e Javier Gutiérrez deron unha lección de historia contemporánea, de humor e de interpretación. E o público soubo agredecerllo regalándolles unha pechada ovación de varios minutos e o a xente en pé. Grazas a Teatro del Barrio por demostrarnos que tamén se poden contar cousas serias arrincándonos grandes gargalladas. 

'Máis alto aínda', as mellores acrobacias na rúa

As rúas de Cangas foron onte o escenario dun marabilloso espectáculo de gran altura. Unha muller forte, intelixente, atractiva e divertida topa cun home... Estúpido. El ha facer o que sexa para estar con ela, e ela fará todo o posible por escapar. Ela é dona de si mesma, el é infantil. Veremos como a súa loita frenética vaise intensificando a medida que atopan un trapecio de balanceo, cordas aéreas e un hula-hoop de lume.

'Las Cervantas', historia, crítica social y humor

O Auditorio de Cangas vivíu o venres a pre estrea mundial da obra de teatro 'Las Cervantas'. Un público entregado e enganchado cunha historia baseada en feitos reais, con grandes doses de crítica social e humor. As irmás Gracia Olayo e Sole Olayo subiron ao escenario interpretando ás irmás do autor de El Quijote, Andrea e Magdalena de Cervantes, respectivamente. A actriz Clara Berzosa, no papel de Isabel de Saavedra (filla bastarda de Miguel); Irene Ruíz, interpretando a Constanza de Ovando (filla de Andrea); e Yaël Belicha, no papel de Catalina Salazar, esposa de Miguel de Cervantes).

Marián Bañobre engaiolou o público cun pregón interactivo cheo de humor, frescura

Marián Bañobre foi a encargada de dar o pregón da 33 Mostra Internacional de Teatro Cómico e Festivo de Cangas. Nun auditorio ateigado de xente, a actriz, creadora, deseñadora de vestiario e docente, arrancou os sorrisos, risos e gargalladas cun monólogo cheo de humor, frescura e unha componente interactiva que engaiolou ao público asistente.